Jackie2025-06-27你的偏頭痛屬於哪一型？中醫「辨證論治」拆解痛症根源
中醫強調睇病要「辨證論治」，即係根據病人體質和症狀對症下藥。以下係幾種常見嘅偏頭痛證型，你係邊一種？
偏頭痛中醫證型 | 常見症狀 | 治療重點 |
肝陽上亢型 | 頭痛脹痛或跳痛劇烈，伴隨情緒急躁、眼乾、口苦、易發脾氣。 | 平肝潛陽，熄風止痛。 |
瘀血阻絡型 | 頭痛固定喺某一側，如針刺般刺痛，多數夜晚加重，曾有頭部創傷病史。 | 活血化瘀，通絡止痛。 |
痰濕內阻型 | 感覺頭重重、好似被布包住，伴隨噁心想嘔、腸胃唔舒服、消化不良。 | 健脾化濕，降濁止痛。 |
氣血不足型 | 頭痛隱隱作痛，休息後會減輕，臉色蒼白、容易疲倦、氣虛頭暈。 | 益氣養血，補虛止痛。 |
中醫師會根據你嘅脈象、舌苔及詳細症狀，精準配方中藥，從根本調理，幫你趕走頭痛。
搏動式頭痛急救！必學四大「止痛穴位」
當偏頭痛發作時，可以透過按摩以下穴位幫你即時減輕痛楚，用拇指或食指按壓至有痠脹感，每個穴位持續 30 秒至 1 分鐘：
- 太陽穴： 喺眉梢與眼尾後方凹陷處。
- 合谷穴： 手背虎口位置，大拇指與食指交會處。
- 風池穴： 後腦勺下方、頸部兩側大筋外側凹陷處。
- 攢竹穴： 眉頭靠近眼窩凹陷處。
木星中醫提醒：日常調理係關鍵！
中藥茶飲同穴位按摩只係輔助，要徹底減少偏頭痛復發，日常生活嘅調理至為重要：
- 規律作息： 避免「捱夜」及過度疲勞。
- 適當運動： 保持身體氣血運行暢通。
- 控制飲食： 避免高鹽高糖、油膩食物及酒精。
- 管理壓力： 保持心境開朗，適度放鬆。
Cyrus